Başın Yelləyir


 01 Mart 2023


Buludlar ağlayıb göz yaşı tökür, 

Küləklər səmada yaşın yelləyir,

Yer, göy zəlzələdən, tufandan əsir,

Təbiət anamız qışın yelləyir.

 

Vətənim yamanca danlayır məni,

Axı necə qoyduq darda vətəni,

Əsəbdən titrəyir dizi, bədəni,

Kükrəyib torpağın, daşın yelləyir.

 

Necə dözər dərdə, şərifdi yurdum,

Fələyin işinə vaqifdi yurdum, 

Üzülüb bitəcək heyifdi yurdum,

Alnın düyünləyib, qaşın yelləyir.

 

Müqəddəs diyarım, öz uca yurdum,

Yaşlanıb olubdur balaca yurdum,

Müdrik məmləkətim, bu qoca yurdum, 

Gərdişi-dövranə başın yelləyir.

 

****

 

Bu yazı Kardeş Kalemler dergisinin 195. sayısında yer almaktadır. Derginin bu sayısında yer alan tüm yazılara aşağıdaki bağlantı üzerinden ulaşabilirsiniz.
Kardeş Kalemler 195. Sayı