Logo
Light
Dark
System
 

Çarəsiz Atayam Mən

  VÜSAL HATEMOV
 01 Mart 2023
Sosyal Medyada Paylaş

Çarəsiz ata şəkliyəm,

dünyaya hayqıran.

Qızımın bu soyuq əli qədərdir

 dünyam.

Eşit!

Ey dünya malından doymayan!

Dünəni sevinc, 

bu günü kədərdir

 dünyam.

 

Partlar ürəyim, qızım darda.

Yaxınıq? Sən harda, mən harda?!

Qoysanız mən də ölüm burda,

Aramızda sipərdir dünyam.

 

Bəhrü dənizlər sizin olsun,

Nökər-kənizlər sizin olsun,

Qəsri-hədsizlər sizin olsun,

Bundan sonra hədərdir dünyam.

 

Evləri parçadan tikək, eybi yox...

 

 

Evləri parçadan tikək.

Eybi yox...

Olmasın suvaq, beton.

Eybi yox...

Hey sökək-tikək, tikək-sökək...

Eybi yox...

Aşağı həsir, başı karton,

Eybi yox ...

 

Qapını pərdədən edək,

Evi uca deyil, 

bir mərtəbədən edək,

Zəvzəsə də yanşaqlar,

Ölməsin təki uşaqlar.

Eybi yox...

 

Razıyam:

Uşaqların əlləri əzilməsin,

Ataların ümidləri üzülməsin,

Anaların arzuları büzülməsin, 

Bir də ağlamasın deyə analar,

Tikilməsin yüksək binalar...

Eybi yox...

 

Ha yer yellənsə də, 

Sevinsin uşaqlar,

 Sevindikləri kimi,

 qara, yağışa.

 "Bu nə titrəyişdir",

Ana dillənsə də.

Şitənsin uşaqlar, 

Necə ki fikir verməzlər,

Alqışa- qarğışa.

 

Qoymayaq sevdikləri yıxılsın,

Yıxılsa, evcikləri yıxılsın.

Uzaqbaşı gəlincikləri yıxılsın.

Qaldırarlar gəlincikləri. 

Tez də itər incikləri.

Eybi yox...

 

Daha qorxmayaq zəlzələdən,

Birdəfəlik uzaq olaq vəlvələdən,

Büsata yığışaq elədən-belədən,

Taleləri sevindirməyi hədəf edək,

Fəlakətləri kasibcasına dəf edək.

Eybi yox...

Eybi yox...

 

 

                              *******************

Bu yazı Kardeş Kalemler dergisinin 195. sayısında yer almaktadır. Derginin bu sayısında yer alan tüm yazılara aşağıdaki bağlantı üzerinden ulaşabilirsiniz.
Kardeş Kalemler 195. Sayı

HaftanınÇok Okunanları

Satın Al