Logo
Light
Dark
System
 

Haray...

  ELMAR HÜSEYNOV
 01 Mart 2023
Sosyal Medyada Paylaş

 

Tanrı,

İkimiz qaldıq son görüşə

Məni 

Əzizlərim tərk etdi,

Səni

Mələklərin... 

 

Gördün, dünya necə fanidir?

Elə bil

uçurum kənarından qayıtdıq

Son görüşə... 

Hamı bizi tərk etdi

İndi ikimiz də tənhayıq...

Qalxdığımız mübarizədə

Qucaqladığımız dünyanın 

Dərd-sərini 

Ucaltdığımız binaların

Kəndarından atdıq... 

Son gülüşlə...

 

Sən - 

Acıları göndərən idin

Mənsə - 

acılarla doğulan... 

Sənsizlik boğulmaq idi

Mən kim idim? 

Yerin yeddi qatında

Havasızlıqdan,

Azadlıq olmadan

Balıq kimi susuzluqdan,

boğulan... 

 

İtirdiklərimizi tapdıq 

Bu görüşdə

Tərkedilmişlərin ahından 

Doğulan Mən

Unudulanların duasından 

yaranan Sən...

 

İndi son görüşdəyik... 

Bilməzdim özün gələrsən

Uşaqkən mənə demişdilər ki, 

Uçmağı öyrən, uçmağı

Tanrı qatına

qalxmaq üçün 

Uçmağı...

 

Mən qalxmaq istədim, 

Əllərimdən, ayaqlarımdan 

Tutdular əzizlərim, 

Başımdan basdı "yaxınlarım", 

Uçmaq istədim, 

Qırıldı qanadlarım... 

Bildin gələ bilmirəm

Ona görə sən gəldin? 

 

Tanrı,

İkimiz qaldıq son görüşə

Məni 

Əzizlərim tərk etdi,

Səni

Mələklərin... 

Beləcə vidalaşdıq bir-birimizlə... 

 

 

 

…..

Haray... 

 

Türkiyədəki zəlzələ qurbanlarına həsr olunur   

 

Anidən bir zəlzələ

İçimizdə vəlvələ... 

Yerin üstü cəhənnəm, 

Yerin altı cəhənnəm... 

Haray, həşir, qışqırıq

Hər yanım qırıq-qırıq...

Torpaqdan gəlir səslər

Hər kəs doğmasın səslər:

"Hardasan yavrum mənim, 

Bir az da döz, ürəyim"

Daş-kəsəyin altında

Yerin yeddi qatında

Günlərdi ac susuzuq

Biz burda umudsuzuq... 

Ölürük bu soyuqdan 

Qurtarın bizi burdan, 

Zaman düşmənimizdir,

Hər saniyə qənimdir... 

Hər gün ömürdən gedir

Zəif bizi tərk edir... 

Bura zülmət qaranlıq

Bizim üçün məzarlıq...

İçimizdə ümid var

Kimsə bizi axtarar...

 

          * * *

 

Anidən işıq gələr,

Hər zülmət olar səhər

"Orda kimsə var?" deyə, 

Axtaranlar səslənər... 

Tanrı bizi qurtarıb?

Yoxsa ki, kimsə tapıb? 

İçimizdə suallar

Ümidlər və arzular... 

Çıxarıq yer altından

Qurtararıq bəladan.

Tutunarıq duaya

Səs salarıq dünyaya? 

Eehhheeeyy bizik, burdayıq

Lap yerin altındayıq... 

Qurtarın bizi burdan

Bu qaranlıq zindandan... 

Yer altından üstünə, 

Səslənərik düzünə... 

Harayıma bir hay ver

Dar günümdə haray ver

Olma vicdansız bir daş

Ümidim sənsən, QARDAŞ!

 

****

Bu yazı Kardeş Kalemler dergisinin 195. sayısında yer almaktadır. Derginin bu sayısında yer alan tüm yazılara aşağıdaki bağlantı üzerinden ulaşabilirsiniz.
Kardeş Kalemler 195. Sayı

HaftanınÇok Okunanları

Satın Al