Logo
Light
Dark
System
 

Turannıñ irfanı – Lâle, Lâlezar!

  EMİNE USEIN
 01 Temmuz 2022
Sosyal Medyada Paylaş

Turannıñ irfanı – Lâle, Lâlezar!

 

Emine Usein

 

Lâleniñ selâmı – dünya sefası,

Aşıqlar ep körer onıñ vefasın,

Lal yüzü qan tüste, çeker cefasın,

Turannıñ er dalı – Lâle, Lâlezar!

 

Er dalnıñ lisanı bir divan oldı,

Cem oldı yürekler, bir nişan oldı,                                             

Cümlege Lâlezar bir Turan oldı,

Turannıñ endamı – Lâle, Lâlezar!

 

Mecnunday dağlarğa candan berildi,

Biñ türlü dertlerge duçar etildi,

Altaynıñ taşları yeksan etildi,

Turannıñ dağları – Lâle, Lâlezar!

 

Aslı da, nesli de Türk lâlesidir,

Allağa qul olğan sadıq neslidir,

Bu qullıq ihsanı til ehlisidir,

Turannıñ  ihsanı  – Lâle Lâlezar!

 

Cemalğa yetmekçün dil-dilge tüşti,

Bir yükni taşımaq bel-belge tüşti,

Dostunı aramaq el-elge tüşti,

Turannıñ cemalı – Lâle, Lâlezar!

 

Lâlezar dünyanı divane eter,

Kâmildir yüregi irfana yeter,

Muradı daima vuslatı kütter,

Turannıñ irfanı – Lâle, Lâlezar!

 

 

 

Bu yazı Kardeş Kalemler dergisinin 187. sayısında yer almaktadır. Derginin bu sayısında yer alan tüm yazılara aşağıdaki bağlantı üzerinden ulaşabilirsiniz.
Kardeş Kalemler 187. Sayı
Satın Al