«Əsgər, Sənə Salam Olsun!»


 01 Kasım 2020


Əsgər, sənə salam olsun,

Xoş gəlmisən, Qarabağa!

Bu yurd sənin vətənindi,

Qalx bu dağa, qalx o dağa.

 

Qartal kimi zirvəyə çıx

Göydə bayrağım sevinsin.

Torpağımı azad eylə,

Elim-oymağım sevinsin...

 

Qardaşımın canındadı

Hələ də düşmən qəlpəsi.

Otuz ildi ürək yaxır

Anaların ah-naləsi.

 

Atamı düşmən gülləsi,

Anamı həsrət apardı.

Məni Xocalı ağrısı

Dünyadan çəkib qopardı.

 

Otuz ildi, dərd dağıyam,

Əsir yurdam - qolubağlı.

Adına "qaçqın" deyəndə

Utanıb hər Qarabağlı...

 

Allahın ədalətiylə

Düşmənin çırağı söndü.

Mən daha qaçqın deyiləm

Düşmənlərim qaçır indi.

 

Ay yurdumun şan-şöhrəti,

Qazi əsgər, qalib əsgər...

Zalımları qov sonadək,

Ol bu yurda sahib, əsgər!

Bu yazı Kardeş Kalemler dergisinin 167. sayısında yer almaktadır. Derginin bu sayısında yer alan tüm yazılara aşağıdaki bağlantı üzerinden ulaşabilirsiniz.
Kardeş Kalemler 167. Sayı